როგორ მოვუაროთ სახის კანს გაზაფხულზე

როგორ მოვუაროთ სახის კანს გაზაფხულზე?!

დადგა ყველაზე ფერადი და ლამაზი სეზონი - გაზაფხული. გაზაფხულის დასაწყისი საუკეთესო პერიოდია ზამთრის სიცხივისაგან გაუხეშული კანის გასაჯანსაღებლად, კანიდან მკვდარი უჯრედების მოსაცილებლად, სტრუქტურის აღსადგენად და კანის ბზინვარებისათვის.

ტემპერატურული ცვლილება ზეგავლენას ახდენს ჩვენს კანზე, ხანდახან ხდება კანის შეფერილობის   ცვლილება, შეწითლება. ამიტომ კანის ერთ ფერში მოსაყვანად, არასასურველი უჯრედების მოსაცილებლად და ლამაზი ელფერის მისაღებად სასურველია გამოიყენეთ თქვენვის სასურველი სახისა და ტანის სკრაბი ან ექსფოლიანტი, რაც სახლის პირობებშიც შესაძლებელია. თუ ცხიმიანი კანი გაქვთ, მსუბუქი სკრაბი ან ექსფოლიანტი გამოიყენეთ კვირაში 2-ჯერ, ხოლო მშრალი კანისათვის კვირაში ერთხელაც საქმარისია. აკნესკენ მიდრეკილი კანისათვის კი, როდესაც გამონაყარი იჩენს თავს და ათებითი კერებია კანზე აღნიშნული, არ არის სასურველი მსგავსი პროდუქტების გამოყენება, რადგან ეს ყოველივე უარყოფითად აისახება თქვენი სახის კანზე, გაამწვავებს აკნეს. ამიტომ, შეგიძლიათ მხოლოდ კომედონებზე (შავ წერტილები) დაიტანოთ სკრაბი, ხელის წრიული მოძრაობით დაიმასაჟოთ და შემდეგ ნელ-თბილი წყლით ჩამოიბანოთ. სკრაბი ხელს უწყობს კანიდან ჭუჭყისა და კომედონების მოცილებას, ხოლო ექსფოლიანტები, ახდენენ ეპიდერმისის საკმაოდ თხელი ზედაპირის აშრევებას. რა თქმა უნდა, თითოეული პროდუქტი, რომლის მოხმარებასაც გადაწყვეტთ, აუცილებლად უნდა იყოს თქვენი კანის ტიპის შესაბამისად შერჩეული და გამოყენებული მხოლოდ გასუფთავებული კანის ზედაპირზე.  ქვეყანაში არსებული დღევანდელი ეკოლოგიური მდგომარეობიდან გამომდინარე აუცილებელია სახის კანის დაბანა დილა-საღამოს, რათა კანს მოაცილოთ დღის განმავლობაში დაგროვილი ჭუჭყი, მტვრის ნაწილაკები ან მაკიაჟი.

Clinique-ის სკრაბი

სკრაბებისა და ექსფოლიანტების გამოყენება ძირითადად რეკომენდირებულია ღამის რუტინაში, რადგან სახის კანზე  მზის პირდაპირი სხივების მოხვედრამ შესაძლოა გამოიწვიოს ჰიპერპიგმენტაცია, რაც საკმაოდ რთულად გადადის კანიდან. ამიტომ, გირჩევთ გამოიყენოთ დღის განმავლობაში მზის დამცავი კრემი, ან დეკორატიული კოსმეტიკა, რომელიც შეიცავს SPF-ს.

ერთ-ერთი საუკეთესო მზის დამცავი კრემი Bioderma Photoderm AKN Mat SPF 30

ტემპერატურის მატებასთან ერთად ფორები უფრო ფართოვდება და კანის დაბინძურების რისკიც შესაბამისად უფრო იზრდება და არა მხოლოდ, სკრაბებისა და ექსფოლიანტების გამოყენების შემდეგაც სასურველია ფორების შემკვრელი ნიღბების გამოყენება, მაგალითად თიხის ნიღბის, რათა გასუფთავებული ფორები შეიკრას და ნაკლები ჭუჭყისა დაგროვება მოხდეს კანის ზედაპირზე.

Avene-ს დამატენიანებელი კრემი

გაზაფხულზე კანის მოვლის რუტინის შემდეგ საფეხურს წამოადგენს ჰიდრატანტები. თუ ზამთარში იყენებდით სქელი სტურქტურის მქონე დამატენიანებელ საცხებს, გაზაფხულზე უფრო თხელი, მსუბუქი სტრუქტურის კრემების გამოყენებას გირჩევთ. სასურველია საცხი დამზადებული იყოს წყალზე და არ ჰქონდეს ცხიმის შემცველობა.

ტუჩები ერთ-ერთი ყველაზე მგრძნობიარე ადგილია ჩვენს სახეზე, რასაც მუდმივი მოვლა და დატენიანება სჭირდება. სასურველია დღის განმავლობაში რამდენდჯერმე გამოიყენოთ ტუჩის ბალმი, ჰიგიენური ტუჩსაცხი, რაც თავიდან აგაცილებთ ტუჩების გამოშრობას.

Bioderma Sebium Hydra

გამოიყენეთ ეს პერიოდი სახის კანის გაჯანსაღებისათვის, მიანიჭეთ მას მეტი ბზინვარება, კარგად დაიტენიანეთ და რაც მთავარია, გამოიყენეთ მზისგან დამცავი საშუალებები. თქვენი სილამაზის ფორმულა კანის ტიპის მიხედვით შერჩეული პროდუქტები და მუდმივი მოვლაა. გადაერთეთ საგაზაფხულო დილა-საღმოს რუტინაზე და იყავით თავდაჯრებულები.

 

ტუჩის დამატებიანებელი ბალმი